गुलाबी जॅकेट घालून दिसतो छान, काकाविषयी मनात घाण

गुलाबी जॅकेट घालून दिसतो छान, काकाविषयी मनात घाण

मेहबूब शेख यांची अजित पवारांवर टीका

बीड : आगामी विधानसभा निवडणुकांच्या पार्श्वभूमीवर राष्ट्रवादी शरद पवार गटाच्या वतीने शिवस्वराज्य यात्रा काढण्यात येत आहे. ही यात्रा बीड जिल्ह्यात दाखल झाल्यानंतर शरद पवार गटाचे युवक प्रदेशाध्यक्ष मेहबूब शेख यांनी गुलाबी जॅकेट घालून दिसतो कसा मी छान, काकाविषयी माझ्या मनात घाण असं म्हणत अजित पवारांवर निशाणा साधला.

खासदार बजरंग सोनावणेंची काही लोकांनी लायकी देखील काढली, असे देखील शेख म्हणाले. मात्र पुणे जिल्ह्यानंतर बीड जिल्ह्यानेही शरद पवारांना साथ दिली. बजरंग बाप्पांची लायकी बीड शहरानं दाखवून दिली आहे. महाराष्ट्रातील पुतण्यांनी काकांच्या पाठीत खंजीर खुपसला असे म्हणत त्यांनी अजित पवारांसह धनंजय मुंडेंवर टीका केली. यावेळी खासदार बजरंग सोनवणे यांनीही सरकारवर निशाणा साधताना म्हणाले की, निवडणूक होती लोकसभेची, तुम्ही प्रचार केला विधानसभेचा असं म्हणत त्यांनी कृषीमंत्री धनंजय मुंडेंवर टीका केली.

कृषी विभागात ३०० कोटींचा घोटाळा

यावेळी कृषीमंत्र्यांनी पीक विमा द्यावा, अशी मागणी सोनवणेंनी केली. तसेच त्यांनी कृषी विभागात ३०० कोटींचा घोटाळा झाल्याचा आरोप करीत आता मान्य करा बीड जिल्ह्यानं बजरंग सोनावणेला खासदार केलं असा टोला त्यांनी मुंडे बंधु भगिणींना लगावला.