रायगडमध्ये एका आदिवासी महिलेवर सामूहिक बलात्कार

रायगडमध्ये एका आदिवासी महिलेवर सामूहिक बलात्कार

-कसेतरी पोलीस ठाण्यात एफआयआर दाखल

रायगड : छत्तीसगडच्या रायगडमध्ये एका आदिवासी महिलेवर सामूहिक बलात्कार करण्यात आल्याची घटना समोर येत आहे. ही महिला रक्षाबंधनाच्या दिवशी जत्रेवरून परत येत असताना ही घटना घडली. या आरोपींमध्ये महिलेचा एक मित्र आणि त्याच्या १० साथीदारांचा समावेश असल्याचे सांगितले जात आहे. याप्रकरणी कसेतरी पोलीस ठाण्यात एफआयआर दाखल करण्यात आला असून पोलिसांनी ७ आरोपींना अटक केली आहे.

पुसौर ब्लॉकमध्ये राहणारी २७ वर्षीय महिला ही मागील अनेक वर्षांपासून पतीपासून वेगळी राहत होती. सोमवार रोजी ती तिच्या ओळखीच्या लोकांसह मीना बाजार येथे गेली होती. तेथून परत येत असताना एनटीपीसी लाराजवळ काही लोकांनी पकडून तिच्यावर सामूहिक बलात्कार केला. याप्रकरणी मंगळवारी आरोपीविरूध्द एफआयआर दाखल करण्यात आला आहे. जत्रेवरून परत येत असतानाच ही महिला ज्या मित्रासोबत होती त्याने आधी बलात्कार केला. त्याचवेळी आरोपी तरुणाचे साथीदारही आले आणि त्यांनीही महिलेवर बलात्कार केला. यानंतर सर्व आरोपी तेथून पळून गेले. त्यानंतर या महिलेने कसेतरी पोलीस ठाणे गाठून एफआयआर दाखल केला.

याविषयी एसपी दिव्यांग पटेल यांनी सांगितले की, काही आरोपींनी महिलेसोबत चुकीचे काम केले आहे. पीडितेची वैद्यकीय तपासणी करण्यात आली आहे. पीडितेची प्रकृती अजूनही सामान्य आहे. तक्रार आल्यानंतर तातडीने एक पथक तयार करण्यात आले. त्यामध्ये मंगळवारी विविध ठिकाणांहून ६ आरोपींना अटक करण्यात आली. आज आणखी एका आरोपीला अटक करण्यात आली आहे.